مملكة عشتار الأَدبية
اهلا بك زائرنا الكريم في مملكة عشتار يسرنا ان تكون معنا
أعطر الأمنيات
سارع في التسجيل


.
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» غربة الروح للشاعر د.حسن نعيم
الإثنين أكتوبر 02, 2017 9:30 am من طرف فراس النوتي

» حفل توقيع كتاب * أغدًا ألقاك * للكاتبة عنان محروس
الخميس سبتمبر 28, 2017 2:22 pm من طرف فراس النوتي

» الشاعرة السورية ( نوار حمد ) وقصيدة : أحلامٌ فوقَ القمم
الأربعاء ديسمبر 28, 2016 6:41 pm من طرف د.حسن نعيم

» *زفاف النصر على سورية* للشاعرة ( نسرين م. بدور )
الخميس ديسمبر 22, 2016 4:19 pm من طرف د.حسن نعيم

» ابحث عنك للدكتورة الشاعرة ( ليلى الصيني )
الخميس ديسمبر 22, 2016 3:53 pm من طرف د.حسن نعيم

» جدائل الشمس للأديبة الشاعرة ( عبير خالد يحيى )
الخميس ديسمبر 22, 2016 1:44 pm من طرف د.حسن نعيم

» نهاية اسرائيل
السبت سبتمبر 24, 2016 1:14 pm من طرف د.حسن نعيم

» الجلطة الدماغية
الثلاثاء سبتمبر 20, 2016 3:58 am من طرف د.حسن نعيم

» .. ليس لصاحبه في الآخرة من خلاق ؛ فساد في الدين
الخميس سبتمبر 15, 2016 10:59 pm من طرف زائر

أفضل الأعضاء الموسومين
المواضيع الأكثر نشاطاً
المدن الفلسطينية
عالم جوف الارض
بين الحقيقة والخيال 3
بين الحقيقة والخيال الجزء الثاني
المثيولوجيا الاغريقية
همساتك
انثاي الشاردة
(( أطياف حالمة )) ..... بقلم / خوله ياسين
قصة سيدنا موسى عليه السلام
قصة سيدنا محمد (صلى الله عليع وسلم )
أكتوبر 2017
الأحدالإثنينالثلاثاءالأربعاءالخميسالجمعةالسبت
1234567
891011121314
15161718192021
22232425262728
293031    
اليوميةاليومية

شاطر | 
 

 دخيل رب الشام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د.حسن نعيم
المدير العام
المدير العام
avatar

عدد المساهمات : 370
تاريخ التسجيل : 28/04/2016
العمر : 50

مُساهمةموضوع: دخيل رب الشام   الإثنين مايو 02, 2016 6:12 pm

دخيــــــــــــــــــــــــل رب الشـــــــــــــــــــــــــام ^_^
هي هيه الشام الشام لويعرفوا شو الشام؟؟؟الشام شامة الدني..
الشام الربوه وقهوة أبوشفيق وصخرة أذكريني ....
الشام سيران يوم الجمعه ياعند موره ببلودان يا عند أبووحيد بالفيجه ...
الشام الكسدوره عاطريق المطار أو القعده بالهويات بقاسيون ....
الشام الروحه بعد السهره عالميدان
 العشا بالمحبه أو سندويشة شاورما عالماشي ..
الشام التفتيله بالشعل...ان أو باب توما
والأحلى بالشام العتيقه أرجيله بالنوفره وعشا ببيت جبري .الشام..
الشام السهر برمضان للصبح ... وسهرة راس السنه الغير شكل
الشام الجار جار حتى لو جار ...
الشام صوت بياع الغاز وصوت سيارة المازوت
وترغلة بياع الخضرا الشام سوق الهال والحميديه
وبكداش الشام قلعة دمشق والبوابات السبعه
الشام نزار قباني ... الشام بردى ..الشام .. الشام لويعرفوا الشام؟؟
الشام لمة الشباب بقهوة الروضه الشام بعده حلوه لناكل صباره ....
الشام سيران الشباب يوم الجمعه عالمسبح ولمة الصبايا عاصحن تبوله..
الشام فنجان قهوه مع فيروز
 وكسر سفره بمكدوسة وكاسة شاي وخبزه مقمره عالصوبيا..
الشام الغدا الساعه3صحن حراق أصبعة وكوسا محشي ..
الشام تشعل شمعه بدير صيدنايا
وتطعمي الحمامات بساحة الجامع الأموي..
الشام ضجة الولاد بالباحه ..
الشام معرض دمشق الدولي
وفيروز عم تصدح سنرجع يوماً ويا محلا الشوام الفلسطينية..
الشام العرس للصبح ....الشام حديقة تشرين
ولقاء العشاق بالسبكي والجاحظ وجنينة الطلائع ....
الشام عربيات الفول النابت..الشام صح النوم وحمام الهنا وكاسك ياوطن ..
بلدي وبلدك الشام لو يعرفوا شو الشام ..الشام العجقه بطلعة جسر الثوره
والقطايف والكنافه من عند نبيل نفيسه والزحمه بسوق الحميديه.
الشام غزل البنات ... الشام باب شرقي وباب الجابيه.
الشام العجقه تحت جسر الرئيس بعز الشوب ..
الشام التكسي والعداد ونص عالمشروع
الشام فلافل بيسان وبن كنفش وأحلى سوق التنابل والهبي لاند
الشام بسطات الفستق الحلبي بأيلول وطرطشة السيارات بمطرة تشرين
وطابات التلج المرصوصه رص بكوانين الشام ...
الشام السبع بحرات والمزه والشيخ سعد وكفرسوسه ....
الشام البيوت العتيقه المعربش عليها الياسمين الشام
 سبيل المي اللي ما بيخلي حدا عطشان
الشام حبنا الأول ونجاحنا الأول وفرحنا الأول الشام قوتنا وقدرتنا
الشام كل شي بيكفي إنها الشام أول الكلام وآخره .....
الشام الناس بتسلم عليك بالطريق كأنها بتعرفك من مئة سنه...
الشام لمة الجيران عالأسطوح للصبح
ولعب الشده شغال باصره كونكان طرنيب وعلى كيف كيفك..
الشام الدفا بعد البرد الأم اللي بتلم .....
اللي عنده أب وأم وماعنده الشام يتيم ......
الشام خضره ومي ووجوه حلوه ....
الشام أول حرف وآخر كلمه ....
الشام أمان بالروح قبل المطرح ...
الشام بأهلها وسكانها الشام شامة الدني
الشام زفة العروس وعراضة العريس الصبح الشام
ام العز والكرامة ...
الشام بالحزن تمسح دمعتك وبالفرح تفرح معك الشام ...
أنتي يلي مابيخلص الحكي عنك ....
الشاااااااااااااااااااااام وينك
يا شآآآآآآآآآآآآآآآآآآآآآآآم
إشتئت لسهراتك
ومياتك
ونسماتك وشبابك وبناتك
إشتئتلك يا أنااااااااااااااااااااااااااااا

عنب شــــــاااااااااااااااااامي



توووووووووووووووت شامي


وعلى ذكررالتوت الشامي تعالوا أعلمكم اكلة طيبة اكتير
محشي توت شامي .. شكل تاني
حبك انتا



بسم الله الرحمن الرحيم
الطبق قد تعتبره البعض منا غريبا جدا ولكني اؤكد انه لذيذ جدا وله طعم مميز

المقادير:
كيلو من ورق التوت الشامي الاخضر الطري
كوب رز مصري
ضمة بقدونس كبيرة
5 عروق نعناع
كوب زيت زيتون
بصلتان مفرومتان ناعما
3 حبات بندورة مقشرة ومخلاة من البذور مفرومة ناعما
ملح
فلفل اسود
بهار حلو
كسبرة ناشفة

عصير ليمون او دبس رمان حسب الرغبة
الطريقة:
في طنجرة كبيرة نغلي كمية وفيرة من الماء ثم نرفعها
نقوم باسقاط ورق التوت في مصفاة كبيرة
 وتركه لدقيقة او اكثر قليلا في الماء الساخن
يرفع الوق ليغسل بالماء البارد

الطريقة:
نقوم بنقع الرز في ماء ساخن لمدة نص ساعة
يغسل الرز بماء بارد
في صحن عميق نقوم بخلط البقدونس المفروم مع البصل
والنعناع ويفرك جيدا مع البهارات
ثم نقوم بإضافة الرز و نص كوب من زيت الزيتون والبندورة
وعصير الليمون او دبس الرمان ونقلب جيدا مع تذوق الحشوة
ان احتاجت للملح او زيادة البهارات حسب الرغبة
نضع في كعب طنجرة شرحات من البندورة وفوقها شرحات من البطاطا .
نقوم بوضع نص ملعقة من الحشو في ورقة التوت ثم نلفها مثل ورق العنب
بعن ان ننتهي من حشو الكمية كلها نقوم بوضع صحن فوقها واقل من
غمرها الماء المغلي مع الملح والبهارات
ونصف كوب من زيت الزيتون + ربع كوب عصير ليمون
 او ملعقة كبيرة من دبس الرمان
ونتركها تغلي على نار قوية لمدة خمس دقائق
 ثم نار هادئة لمدة ساعة تقريبا
تقلب وتقدم باردة او دافئة
مع تزيين صحن التقديم بشرحات الليمون والبندورة
وصحتين وعافية.
شايفين شو بحبكم يلا عشان تعملوها برمضان
وراح تطلع أطيب من ورق العنب جربوها
لو عجبتكم بحضركم أكلة تانية

***************
بزمتي أكلتنا هاي طيبة برمضان
الصورة لوحدها تتكلم والعين تتألم
يلا هاتوا جاط اللبن ودبس الرمان ولحئوني
ووووووووووواو شو طيبة




ورق عنب شامي وياعيني
صحة وهناااااااااااااااااااااااا




بعد الغدا صار بدا تحلاية مو ومو أي تحلاية
إنها كنافة
برعاية نفيسة الشام




يلا صار بدها أركيلة
أركيلة أركلوكي وبلبطيخ الاصفر والاناناس عملوكي
مين ع بالو يأركل شايفين اديش مندللكن !! اركيله شامية
برعاية حســـــــــــــــون إخوان




يتبع

أويها اشي اشي
اويها وطبخنا محشي
اويها ونحنا الشوام بيلبئنا كلشي ♥

***

نهر الجوري يغتسل قبل الرحيل فيه القمر ومن اجل دمشق
والشمس تشرق والنارنج مزروع على جبين دمشق
من ياسميننا يصنع الغيم حبال المطر والنار وان استعرت فهي حنين
رب اجساد دفنت من اجل ذهب ونفط وارواحنا تفنى ليحيا الياسمين
مساكن ياسمين الشام ♥

***


شب حب صبية وعشقها
وصار يبعتلا رسائل غزل وكلام
وكتب برسالاته قوافي حب وعشق وغرام
وصار يفند اوصافها الحلوة ويزينلها جمالا شعر وانغام
ولما خلصت كل حروف المعاني كتبلها
بالمختصر شبهتك بالشام
مساك حلووووووووووووو ياشام ويا محبي الشام ♥

***


نيالو ياشام العايش فيكي جوا قلبو مخبيكي
والله بروحي بفديكي
وبهديكي قلبي يا شام
يا شام الله يحميكي
من لم يكحل عينيه بالشام
ما عرف نعمة الإبصار بعد..
ومن لم يتوضأ صدره بعبق ياسمينها
ما عرف الطهر بعد

*****


صباح الخير يا دمشق
مساء الخير يا حياتي
مازال ياسمينك على شفتي
وشفتي على الطرقاتِ
أبادلك قبلةالصباح بشوق
فخذي يا دمشق من ثغري
في المساء وهــــــــــــــاتي
القهوة في دمشق يكفيها نكهة
أنها مزجت بماء دمشق الطهور ♥
صباحكن قهوة بهال شامي بيفحفح
وياسمين على امو عم بيفتح
يتبع




عدل سابقا من قبل د.حسن نعيم في الجمعة مايو 13, 2016 7:50 am عدل 3 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://web.facebook.com/profile.php?id=100002525185630
د.حسن نعيم
المدير العام
المدير العام
avatar

عدد المساهمات : 370
تاريخ التسجيل : 28/04/2016
العمر : 50

مُساهمةموضوع: رد: دخيل رب الشام   الإثنين مايو 02, 2016 6:14 pm

يا يامو يسلملي قوامو
أحلى من السكر كلامو
والقلب تولع بغرامو
هالأسمر سيد الحلوين
هيك الشامية بتقول لأمها
لما يجي خطيبا يزورن
وبتقدملو صحن فواكي
متل هاد مقشر
وهوي بياكل وبيطعميها بإيدو
يؤبروني الشوام أهل الزوء والإيتكيت ♥


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://web.facebook.com/profile.php?id=100002525185630
د.حسن نعيم
المدير العام
المدير العام
avatar

عدد المساهمات : 370
تاريخ التسجيل : 28/04/2016
العمر : 50

مُساهمةموضوع: رد: دخيل رب الشام   الإثنين مايو 02, 2016 6:18 pm

قطفت لك ياسمين الصباح وحضرت
لك قهوة الحب في لهفة الأقداح
قطفت عنب دمشق وقطفت نشوة الأفراح
ودخلت غرفتك من نافذة الحب دخلتها
وفي يدي فرحة المفتاح

قهوة بتشهي
صحتين
ويا عيني إلها أحلا وجه



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://web.facebook.com/profile.php?id=100002525185630
 
دخيل رب الشام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة عشتار الأَدبية :: مقهى عشتار سوريا اليوم-
انتقل الى: